اكوام الزباله فى كل مكان......
فى الشوارع... فى الحوارى ..فى الميادين... جنب الجوامع ...جنب الكنائس
طيب مفيش حكومه ....عادى
امال فين الأحزاب فين منظمات المجتمع المدنى فين الناس
فين الاخوان
البلد عمله زى اللى ناسها هاجرت وسابوها
عينى عليكى يابلد
عينى عليكى يابلد
10 التعليقات:
ازيك يا أبو احمد....الا صحيح يعني ايه اخوان
دمت بخير
ازيك يابوب وحشنى
نزلت مصر ومشوفتاكشى
تصور انا جنب الصيدليه حوالى 6مساجد فى مساحه لاتتعدى1/4كياو متر مربع الناس فى صلاه الجمعه بتفرش الحصر فى الشوارع عشان تصلى تلاقى الحصر وصلت لكوم زباله تفرش عادى وتصلى وتروح عادى ولا كأن فيه حاجه تلفت النظر
الحكومه والنظام فاشل آه بس فين الناس من مختلف الاتجاهات ومختلف الطبقات والأديان مسيحيين مسلمين البلد بقت من غير تاس يابوب
فهمت يعنى أقصد ايه بالاخوان
تحياتى
بصراحة مش لاقى تعليق
وأنا عندى نفس التساؤل وطرحته فى الجديد فى الفارس الأخير
ربما هو عدم انتماء ربما غيبوبة لا أدرى لها سببا
حقيقة أنا فى حيرة بلا حدود
لقد أسمعت لو ناديت حيا
استاذي
عود أحمد
و أعلمك عن معلومة مصدرها هيئة النظافة و التجميل بالجيزة
تعرف الاولاد اللي بيشيلوا الزبالة من البيوت مقابل مبلغ رمزي شهريا
اهو حملات الهيئة و الشرطة بتقبض عليهم
و بيصادروا ادواتهم ايا كانت
لأنهم لا يحملون تراخيص
المشكلة انه بشارعنا مثلا لا توجد اي صناديق للقمامة
تخيل لو الاولاد دول لم يمروا بنا
هنعمل ايه
؟؟؟؟؟؟؟؟؟
أبو أحمد العزيز
معلش يا دكتور سامحني ليك حق...بصراحة انا نزلت مصر في رحلة عمل لمدة ثلاثة ايام أول شهر أغسطس و بعدين سافرت الساحل الشمالي استخبيت هناك من جنون و زحمة القاهرة التي ما زلت احبها أو قل انني احب صورتها التى لا تزال عالقة بذهني...المهم يا دكتور انى لقيت حتة استخبيت فيها مع كتب سيد القمني و خلصت ثلاثة كتب في ايام معدودة....و بعدين رجعت القاهرة لأيام معدوة برضه اول شهر رمضان و فجأة لقيت نفسي في الطيارة مرة اخرى....انا نازل قريب...أحب أشوفك...هاكلمك أول ما أوصل
دمت بخير
الأزهرى
ربما يكون السببين مع بعض
نضيف ليهم الفوضى وعدم احترام القانون
من الشعب والنظام
ادى الى تلك الفوضى فى كل مكان
وهذا نذير بانهيار
تحياتى
العزيز دكتور احمد
نذر الانهيار تتوالى
الواحد خايف فعلا
ياريت اكون غلطان
تحياتى
العزيز ايهاب
ياريت متبخلش عليا المره ونسعد بلقائك
تحياتى
يا ابو احمد
الضرب فى الميت حرام
الشاعر الجميل سمير مصباح
مازال عندى امل ورجاء بأن هذا الشعب لم يمت
تحياتى
إرسال تعليق